Faculty Profiles – Punjabi

ਪੰਜਾਬੀ ਵਿਭਾਗ : ਜਾਣ ਪਛਾਣ

ਡੀ.ਏ.ਵੀ. ਕਾਲਜ, ਜਲੰਧਰ ਦਾ ਪੰਜਾਬੀ ਵਿਭਾਗ ਭਾਸ਼ਾ ਅਤੇ ਸਾਹਿਤ ਦੇ ਵਿਕਾਸ ਲਈ ਲਗਾਤਾਰ ਸਰਗਰਮ ਰਿਹਾ ਹੈ। ਅਕਾਦਮਿਕ ਖੇਤਰ ਵਿੱਚ ਇਸ ਵਿਭਾਗ ਦਾ ਇਤਿਹਾਸ ਮਾਣਮੱਤਾ ਹੈ। ਅਜੋਕੇ ਸਮੇਂ ਵਿੱਚ ਵੀ ਪੋਸਟ ਗ੍ਰੈਜੂਏਟ ਪੰਜਾਬੀ ਵਿਭਾਗ, ਪੰਜਾਬੀ ਭਾਸ਼ਾ ਤੇ ਸਾਹਿਤ ਲਈ ਮਹੱਤਵਪੂਰਨ ਯੋਗਦਾਨ ਪਾ ਰਿਹਾ ਹੈ।

ਡੀ.ਏ.ਵੀ. ਕਾਲਜ ਜਲੰਧਰ ਦੇ ਪੰਜਾਬੀ ਵਿਭਾਗ ਦੀ ਸਥਾਪਨਾ 1936 ਈ. ਵਿੱਚ ਪ੍ਰਿੰਸੀਪਲ ਪੰਡਿਤ ਮੇਹਰ ਚੰਦ ਜੀ ਦੀ ਅਗਵਾਈ ਅਤੇ ਸ੍ਰੀ ਕੇ.ਸੀ. ਜੋਸ਼ੀ ਦੀ ਰਹਿਨੁਮਾਈ ਹੇਠ ਹੋਈ। ਇਨ੍ਹਾਂ ਦੀ ਰਹਿਨੁਮਾਈ ਹੇਠ 1966 ਈ. ਵਿੱਚ ਹੀ ਪੰਜਾਬੀ ਵਿਭਾਗ “ਪੋਸਟ ਗ੍ਰੈਜੂਏਟ ਪੰਜਾਬੀ ਵਿਭਾਗ” ਬਣਿਆ। ਸ੍ਰੀ ਕੇ.ਸੀ. ਜੋਸ਼ੀ ਇਸ ਦੇ ਪਹਿਲੇ ਮੁਖੀ ਬਣੇ। ਉਪਰੰਤ ਡਾ. ਟੀ.ਆਰ. ਸ਼ਿੰਗਾਰੀ, ਡਾ. ਵੀ.ਬੀ. ਅਗਨੀਹੋਤਰੀ, ਡਾ. ਕੇ.ਐੱਸ. ਥਿੰਦ, ਡਾ. ਜੀ.ਸੀ. ਕੌਲ, ਡਾ. ਆਰ.ਬੀ. ਸਿੰਘ, ਪ੍ਰੋ. ਲਖਬੀਰ ਸਿੰਘ, ਡਾ. ਏ.ਕੇ. ਖੁਰਾਣਾ ਵੱਖ-ਵੱਖ ਸਮਿਆਂ ਵਿੱਚ ਵਿਭਾਗ ਦੇ ਮੁਖੀ ਰਹੇ। ਮੌਜੂਦਾ ਸਮੇਂ ਸ੍ਰੀ ਸੁਖਦੇਵ ਸਿੰਘ ਰੰਧਾਵਾ (ਐਸੋਸੀਏਟ ਪ੍ਰੋਫ਼ੈਸਰ) ਦੀ ਅਗਵਾਈ ਹੇਠ ਵਿਭਾਗ ਪੰਜਾਬੀ ਅਤੇ ਪੰਜਾਬੀਅਤ ਲਈ ਸਮਰਪਿਤ ਭਾਵ ਨਾਲ ਕਾਰਜ ਕਰ ਰਿਹਾ ਹੈ।

ਇਸ ਵਿਭਾਗ ਵਿੱਚ ਸੇਵਾ ਨਿਭਾਅ ਰਹੇ ਨਿਮਨਲਿਖਤ ਪ੍ਰਾਧਿਆਪਕ ਪੀਐੱਚ. ਡੀ. ਅਤੇ ਐੱਮ.ਫਿੱਲ. ਦੀਆਂ ਉਚੇਰੀਆਂ ਡਿਗਰੀਆਂ ਨਾਲ ਸਨਮਾਨਿਤ ਹਨ:

1) ਸ੍ਰੀ ਸੁਖਦੇਵ ਸਿੰਘ ਰੰਧਾਵਾ (ਐਸੋਸੀਏਟ ਪ੍ਰੋਫ਼ੈਸਰ ਤੇ ਮੁਖੀ, ਪੰਜਾਬੀ ਵਿਭਾਗ)

• ਆਪ ਪੰਜਾਬ ਚੰਡੀਗੜ੍ਹ ਕਾਲਜ ਟੀਚਰ ਯੂਨੀਅਨ ਵੱਲੋਂ ਰਾਸ਼ਟਰੀ ਪੱਧਰ ਉੱਤੇ ਆਯੋਜਿਤ ਅਕਾਦਮਿਕ ਸੈਮੀਨਾਰਾਂ/ਕਾਨਫ਼ਰੰਸਾਂ ਵਿੱਚ ਬਤੌਰ ਜਰਨਲ ਸਕੱਤਰ, ਪਰਚੇ ਪੜ੍ਹ ਚੁੱਕੇ ਹਨ।
• ਪੰਜਾਬੀ ਭਾਸ਼ਾ ਅਤੇ ਸਾਹਿਤ ਨਾਲ ਜੁੜੇ ਪ੍ਰਾਧਿਆਪਕ ਹੋਣ ਦੇ ਨਾਲ-ਨਾਲ, ਆਪ ਦੀ ਪੰਜਾਬੀ ਲੋਕ ਨਾਚ ਭੰਗੜੇ ਨਾਲ ਵੀ ਵਿਸ਼ੇਸ਼ ਸਾਂਝ ਹੈ।
• ਆਪ ਵਿਦਿਆਰਥੀ ਜੀਵਨ ਵਿੱਚ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੁਆਰਾ ਕਰਵਾਏ ਜਾਂਦੇ ‘ਯੁਵਕ ਮੇਲੇ’ ਦੀ ‘ਲੋਕ ਨਾਚ’ ਕੈਟਾਗਰੀ ਵਿੱਚ ਮਾਣਯੋਗ ਉਪਲਬਧੀਆਂ ਹਾਸਿਲ ਕਰ ਚੁੱਕੇ ਹਨ।
• ਆਪ ਨੂੰ ਯੁਵਕ ਸੇਵਾਵਾਂ ਵਿਭਾਗ, ਪੰਜਾਬ ਵੱਲੋਂ ‘ਸਟੇਟ ਅਵਾਰਡ’ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ।

2) ਡਾ. ਰਾਜਨ ਸ਼ਰਮਾ (ਐਸੋਸੀਏਟ ਪ੍ਰੋਫ਼ੈਸਰ ਤੇ ਉਪ ਮੁਖੀ, ਪੰਜਾਬੀ ਵਿਭਾਗ)

• ਆਪ ਦੇ 15 ਖੋਜ ਪੱਤਰ ਵੱਖ-ਵੱਖ ਖੋਜ ਰਸਾਲਿਆਂ/ਯੂ.ਜੀ.ਸੀ. ਅਪਰੂਵਡ ਮੈਗਜ਼ੀਨਾਂ ਅਤੇ ਪੁਸਤਕਾਂ ਵਿੱਚ ਪ੍ਰਕਾਸ਼ਿਤ ਹੋ ਚੁੱਕੇ ਹਨ।
• ਆਪ ਨੇ ਵੱਖ-ਵੱਖ ਸੈਮੀਨਾਰਾਂ ਤੇ ਕਾਨਫ਼ਰੰਸਾਂ ਵਿੱਚ ਖੋਜ ਪੱਤਰ ਵੀ ਪ੍ਰਸਤੁਤ ਕੀਤੇ ਹਨ।
• ਆਪ ਦੇ ਪੀਐੱਚ.ਡੀ. ਦੇ ਖੋਜ-ਕਾਰਜ ਨੂੰ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੁਆਰਾ ਪ੍ਰਕਾਸ਼ਿਤ ਕਰਨ ਦੀ ਸਿਫ਼ਾਰਿਸ਼ ਕੀਤੀ ਗਈ ਹੈ।

 

• ਆਪ ਪੰਜਾਬੀ ਭਾਸ਼ਾ ਅਤੇ ਸਾਹਿਤ ਨਾਲ ਜੁੜੇ ਪ੍ਰਾਧਿਆਪਕ ਹਨ ਪਰ ਆਪ ਨੂੰ ਗੀਤ-ਸੰਗੀਤ ਦੀ ਵੀ ਚੰਗੀ ਸਮਝ ਹੈ। ਆਪ ਦੁਆਰਾ ਕਲਮਬੱਧ, ਧੁਨਬੱਧ ਅਤੇ ਸਵਰਬੱਧ ਕੀਤੇ ਕਈ ਗੀਤ ਰਿਕਾਰਡ ਹੋ ਚੁੱਕੇ ਹਨ।
• ਆਪ ਨੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਗੁਰਪੁਰਬ ਨੂੰ ਸਮਰਪਿਤ ਸੰਗੀਤਕ ਸ਼ਰਧਾਂਜਲੀਆਂ ‘ਮੁਬਾਰਕਾਂ’ ਅਤੇ ‘ਗੁਰੂ ਨਾਨਕ ਆਇਆ’ ਰਿਕਾਰਡ ਕੀਤੀਆਂ ਹਨ। ਜ਼ਿਕਰਯੋਗ ਹੈ ਕਿ ਆਪ ਦਾ ‘ਮੁਬਾਰਕਾਂ’ ਗੀਤ ਡੀ.ਏ.ਵੀ. ਕਾਲਜ ਮੈਨੇਜਿੰਗ ਕਮੇਟੀ ਦੇ ਪ੍ਰਧਾਨ ਪਦਮ ਸ੍ਰੀ ਪੂਨਮ ਸੂਰੀ ਜੀ ਵੱਲੋਂ ਨਵੀਂ ਦਿੱਲੀ ਵਿਖੇ ਰੀਲੀਜ਼ ਕੀਤਾ ਗਿਆ।
• ਆਪ ਦਾ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 551ਵੇਂ ਗੁਰਪੁਰਬ ਨੂੰ ਸਮਰਪਿਤ ‘ਵਧਾਈਆਂ’ ਗੀਤ ਵੀ, ਆਪ ਦੀ ਸੰਗੀਤਕ ਸੂਝ ਦੀ ਇੱਕ ਉੱਤਮ ਝਲਕ ਹੈ।
• ਆਪ ਦੇ ਲਿਖੇ ਅਤੇ ਧੁਨਬੱਧ ਕੀਤੇ ਗੀਤ ‘ਸਾਡਾ ਬਾਬਾ ਨਾਨਕ’ ਨੂੰ ਸਵਰਗੀ ਪਦਮ ਸ੍ਰੀ ਭਾਈ ਨਿਰਮਲ ਸਿੰਘ ਜੀ ਖ਼ਾਲਸਾ ਨੇ ਆਪਣੀ ਮਧੁਰ ਆਵਾਜ਼ ਦਿੱਤੀ ਹੈ।
• ਆਪ ਦੁਆਰਾ ਡੀ.ਏ.ਵੀ. ਕਾਲਜ, ਜਲੰਧਰ ਦੇ ਸ਼ਤਾਬਦੀ ਉਤਸਵ ਮੌਕੇ ਲਿਖਿਆ ਅਤੇ ਗਾਇਆ ਗੀਤ ‘Long Live DAV-Jalandhar DAV’, ਰੋਜ਼ ਸਵੇਰੇ ਡੀ.ਏ.ਵੀ. ਕਾਲਜ ਜਲੰਧਰ ਦੇ ਵਿਹੜੇ ਵਿੱਚ ਗੂੰਜਦਾ ਹੈ।
• ਆਪ ਪੰਜਾਬੀ ਫ਼ਿਲਮ ‘ਪਛਤਾਵਾ-ਨਸ਼ੇ ਬਣੇ ਨਾਸੂਰ’ ਵਿਚ ਬਤੌਰ ਗੀਤਕਾਰ ਅਤੇ ਪਲੇਅਬੈਕ ਗਾਇਕ ਕੰਮ ਕਰ ਚੁੱਕੇ ਹਨ।
• ਆਪ ਜਿੱਥੇ ਵਿਦਿਆਰਥੀ ਜੀਵਨ ਵਿੱਚ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੁਆਰਾ ਆਯੋਜਿਤ ‘ਯੁਵਕ ਮੇਲੇ’ ਵਿੱਚ ਕਰਵਾਏ ਜਾਂਦੇ ‘ਲੋਕ ਗੀਤ’ ਅਤੇ ‘ਭਾਰਤੀ ਸਮੂਹ ਗਾਨ’ ਮੁਕਾਬਲਿਆਂ ਵਿੱਚ ਮੱਲਾਂ ਮਾਰਦੇ ਰਹੇ ਹਨ ਉੱਥੇ ਅਧਿਆਪਕ ਜੀਵਨ ਵਿੱਚ ਵੀ ਵੱਖ-ਵੱਖ ਮੰਚਾਂ ਉੱਤੇ ਅਨੇਕਾਂ ਸੂਫ਼ੀ ਅਤੇ ਲੋਕ ਸੰਗੀਤਕ ਪੇਸ਼ਕਾਰੀਆਂ ਕਰ ਚੁੱਕੇ ਹਨ।

3) ਡਾ. ਕਵਲਜੀਤ ਸਿੰਘ (ਅਸਿਸਟੈਂਟ ਪ੍ਰੋਫ਼ੈਸਰ)

• ਆਪ ਦੇ 15 ਖੋਜ ਪੱਤਰ ਵੱਖ-ਵੱਖ ਖੋਜ ਰਸਾਲਿਆਂ/ਯੂ.ਜੀ.ਸੀ. ਅਪਰੂਵਡ ਮੈਗਜ਼ੀਨਾਂ ਅਤੇ ਪੁਸਤਕਾਂ ਵਿੱਚ ਪ੍ਰਕਾਸ਼ਿਤ ਹੋ ਚੁੱਕੇ ਹਨ।
• ਆਪ ਨੇ ਵੱਖ-ਵੱਖ ਸੈਮੀਨਾਰਾਂ ਤੇ ਕਾਨਫ਼ਰੰਸਾਂ ਵਿੱਚ ਖੋਜ ਪੱਤਰ ਵੀ ਪ੍ਰਸਤੁਤ ਕੀਤੇ ਹਨ।
• ਆਪ ਨੇ UGC ਦੁਆਰਾ ਪ੍ਰਵਾਨਿਤ Minor Research Project ’ਤੇ ਵੀ ਕੰਮ ਕੀਤਾ ਹੈ।

ਜ਼ਿਕਰਯੋਗ ਹੈ ਕਿ ਆਪ ਤੋਂ ਪਹਿਲਾਂ ਪੰਜਾਬੀ ਵਿਭਾਗ ਦੇ ਤਿੰਨ ਸੇਵਾ-ਮੁਕਤ ਪ੍ਰਾਧਿਆਪਕ (ਡਾ. ਕੇ.ਐੱਸ. ਥਿੰਦ, ਡਾ. ਟੀ.ਡੀ. ਜੋਸ਼ੀ ਅਤੇ ਡਾ. ਆਰ.ਬੀ. ਸਿੰਘ) ਵੀ UGC Sponsored Minor/Major Project ’ਤੇ ਕੰਮ ਕਰ ਚੁੱਕੇ ਹਨ। ਪੰਜਾਬੀ ਵਿਭਾਗ ਦੇ ਪ੍ਰਾਧਿਆਪਕਾਂ ਦੇ ਇਹ ਖੋਜ-ਪ੍ਰੋਜੈਕਟ ਪੰਜਾਬੀ ਆਲੋਚਨਾ ਦੇ ਖੇਤਰ ਵਿੱਚ ਗੁਣਾਤਮਿਕ ਅਤੇ ਗਿਣਾਤਮਿਕ ਪੱਖੋਂ ਮਾਣਯੋਗ ਪ੍ਰਾਪਤੀ ਹਨ।

4) ਡਾ. ਕਿਰਨਦੀਪ ਕੌਰ (ਅਸਿਸਟੈਂਟ ਪ੍ਰੋਫ਼ੈਸਰ)

• ਆਪ ਦੀਆਂ ਦੋ ਪੁਸਤਕਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਹਨ:

ੳ. ਰਵਿੰਦਰ ਰਵੀ ਦਾ ਸਾਹਿਤ ਸੰਸਾਰ: ਸੰਵੇਦਨਾ ਤੇ ਸੁਹਜ ਸੰਚਾਰ

ਅ. ਮੀਡੀਆ ਅਤੇ ਸਮਕਾਲੀ ਸਮਾਜ (ਸੰਪਾ.)

• ਆਪ ਦੇ 23 ਖੋਜ ਪੱਤਰ ਵੱਖ-ਵੱਖ ਖੋਜ ਰਸਾਲਿਆਂ/ਯੂ.ਜੀ.ਸੀ. ਅਪਰੂਵਡ ਮੈਗਜ਼ੀਨਾਂ ਅਤੇ ਪੁਸਤਕਾਂ ਵਿੱਚ ਪ੍ਰਕਾਸ਼ਿਤ ਹੋ ਚੁੱਕੇ ਹਨ।
• ਆਪ ਨੇ ਵੱਖ-ਵੱਖ ਸੈਮੀਨਾਰਾਂ ਤੇ ਕਾਨਫ਼ਰੰਸਾਂ ਵਿੱਚ ਖੋਜ ਪੱਤਰ ਵੀ ਪ੍ਰਸਤੁਤ ਕੀਤੇ ਹਨ।
• ਆਪ ਦੀਆਂ ਕਹਾਣੀਆਂ ਵੱਖ-ਵੱਖ ਅਖ਼ਬਾਰਾਂ ਵਿੱਚਛਪਚੁੱਕੀਆਂ ਹਨ।

5) ਸ੍ਰੀ ਮਨਜੀਤ ਸਿੰਘ (ਅਸਿਸਟੈਂਟ ਪ੍ਰੋਫ਼ੈਸਰ)

• ਆਪ ਦੇ ਖੋਜ ਪੱਤਰ ਵੱਖ-ਵੱਖ ਖੋਜ ਰਸਾਲਿਆਂ/ਯੂ.ਜੀ.ਸੀ. ਅਪਰੂਵਡ ਮੈਗਜ਼ੀਨਾਂ ਅਤੇ ਪੁਸਤਕਾਂ ਵਿੱਚ ਪ੍ਰਕਾਸ਼ਿਤ ਹੋ ਚੁੱਕੇ ਹਨ।
• ਆਪ ਨੇ ਵੱਖ-ਵੱਖ ਸੈਮੀਨਾਰਾਂ ਤੇ ਕਾਨਫ਼ਰੰਸਾਂ ਵਿੱਚ ਖੋਜ ਪੱਤਰ ਵੀ ਪ੍ਰਸਤੁਤ ਕੀਤੇ ਹਨ।
• ਪੰਜਾਬੀ ਭਾਸ਼ਾ ਅਤੇ ਸਾਹਿਤ ਨਾਲ ਜੁੜੇ ਪ੍ਰਾਧਿਆਪਕ ਹੋਣ ਦੇ ਨਾਲ-ਨਾਲ, ਆਪ ਦੀ ਪੰਜਾਬੀ ਲੋਕ ਨਾਚ ਭੰਗੜੇ ਨਾਲ ਵੀ ਵਿਸ਼ੇਸ਼ ਸਾਂਝ ਹੈ।
• ਆਪ ਵਿਦਿਆਰਥੀ ਜੀਵਨ ਵਿੱਚ ਪੰਜਾਬ ਯੂਨੀਵਰਸਿਟੀ ਦੁਆਰਾ ਕਰਵਾਏ ਜਾਂਦੇ ‘ਯੁਵਕ ਮੇਲੇ’ ਦੀ ‘ਲੋਕ ਨਾਚ’ ਕੈਟਾਗਰੀ ਵਿੱਚ ਮਾਣਯੋਗ ਉਪਲਬਧੀਆਂ ਹਾਸਿਲ ਕਰ ਚੁੱਕੇ ਹਨ।
• ਆਪ ਨੂੰ ਆਪ ਦੀਆਂ ਸਾਹਿਤਕ/ਸਭਿਆਚਾਰਕ ਸਰਗਰਮੀਆਂ ਲਈ ਕਈ ਸੰਸਥਾਵਾਂ ਦੁਆਰਾ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ।

6) ਡਾ. ਸਾਹਿਬ ਸਿੰਘ  (ਅਸਿਸਟੈਂਟ ਪ੍ਰੋਫ਼ੈਸਰ)

• ਆਪ ਦੀਆਂ ਤਿੰਨ ਪੁਸਤਕਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਹਨ:

ੳ. ਡਰਾਈਵਰਾਂ ਦੀ ਲੋਕਧਾਰਾ: ਸਮਾਜ ਸਭਿਆਚਾਰ ਸੰਦਰਭ

ਅ. ਵਾਹਨ ਟੋਟਕਿਆਂ ਦੀ ਲੋਕਧਾਰਾ: ਪਾਠ ਤੇ ਵਿਸ਼ਲੇਸ਼ਣ

ੲ. ਡਾ. ਦਰਿਆ ਲੋਕਧਾਰਾ ਤੇ ਸਾਹਿਤ ਚਿੰਤਨ (ਸੰਪਾ.)

• ਆਪ ਦੇ 22 ਖੋਜ ਪੱਤਰ ਵੱਖ-ਵੱਖ ਖੋਜ ਰਸਾਲਿਆਂ/ਯੂ.ਜੀ.ਸੀ. ਅਪਰੂਵਡ ਮੈਗਜ਼ੀਨਾਂ ਅਤੇ ਪੁਸਤਕਾਂ ਵਿੱਚ ਪ੍ਰਕਾਸ਼ਿਤ ਹੋ ਚੁੱਕੇ ਹਨ।
• ਆਪ ਨੇ ਵੱਖ-ਵੱਖ ਸੈਮੀਨਾਰਾਂ ਤੇ ਕਾਨਫ਼ਰੰਸਾਂ ਵਿੱਚ 15 ਖੋਜ ਪੱਤਰ ਪ੍ਰਸਤੁਤ ਕੀਤੇ ਹਨ।
• ਪੀ.ਟੀ.ਸੀ. ਪੰਜਾਬੀ, ‘ਲਾਫ਼ਟਰ ਦਾ ਮਾਸਟਰ’ ਸੀਜ਼ਨ-3 (ਸਟੈਂਡ ਅੱਪ ਕਾਮੇਡੀ ਮੁਕਾਬਲਾ) ਵਿੱਚ ਆਪ ਨੂੰ ਪੰਜਾਬ ਸਟੇਟ ਵਿੱਚੋਂ ਉਪ ਵਿਜੇਤਾ ਬਣਨ ਦਾ ਮਾਣ ਪ੍ਰਾਪਤ ਹੈ।
• ਆਪ ਨੂੰ ਕਾਮੇਡੀ ਤੇ ਕਲਾ ਦੇ ਖੇਤਰ ਵਿੱਚ ਪਾਏ ਯੋਗਦਾਨ ਲਈ ਸਾਲ 2016 ਵਿੱਚ ‘ਜਸਪਾਲ ਭੱਟੀ ਅਵਾਰਡ’ ਮਿਲ ਚੁੱਕਾ ਹੈ।
• ਆਪ ਨੂੰ ਈਡੀਅਟ ਕਲੱਬ ਅੰਮ੍ਰਿਤਸਰ ਵੱਲੋਂ, ਅਕਾਦਮਿਕ ਖੇਤਰ ਵਿੱਚ ਪਾਏ ਯੋਗਦਾਨ ਲਈ ‘ਬੈੱਸਟ ਅਧਿਆਪਕ’ ਦੇ ਅਵਾਰਡ ਨਾਲ ਵੀ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ।
• ਆਪ ਨੂੰ ਰੈੱਡ ਰਿਬਨ ਕਲੱਬ ਦੀਆਂ ਬਿਹਤਰੀਨ ਗਤੀਵਿਧੀਆਂ ਲਈ ਮਾਰਚ 2023-24 ਵਿਚ ਸਟੇਟ ਪੱਧਰੀ ‘ਬੈੱਸਟ ਪ੍ਰੋਗਰਾਮ ਅਫ਼ਸਰ’ ਦਾ ਅਵਾਰਡਪ੍ਰਾਪਤਹੋਇਆ ਹੈ।
• ਆਪ ਨੂੰ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਅੰਮ੍ਰਿਤਸਰ ਦੁਆਰਾ ਆਯੋਜਿਤ, ਸਾਲਾਨਾ ਪ੍ਰੋਗਰਾਮ ‘ਜਸ਼ਨ’ 2012 ਤੇ 2013 ਵਿੱਚ, ਲਗਾਤਾਰ ਦੋ ਸਾਲ ‘ਬੈੱਸਟ ਐਕਟਰ’ ਦਾ ਅਵਾਰਡਪ੍ਰਾਪਤਹੋਇਆ ਹੈ।

7) ਡਾ. ਰਾਜ ਕਿਰਪਾਲ ਸਿੰਘ (ਅਸਿਸਟੈਂਟ ਪ੍ਰੋਫ਼ੈਸਰ)

• ਆਪ ਦੀਆਂ ਤਿੰਨ ਪੁਸਤਕਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਹਨ:

ੳ. ਪ੍ਰਵਚਨ ਵਿਸ਼ਲੇਸ਼ਣ: ਬਾਰਤ ਤੋਂ ਕ੍ਰਿਸਤੀਵਾ ਤੱਕ

ਅ. ਪੰਜਾਬੀ ਸੂਫ਼ੀ ਕਾਵਿ ਪਰੰਪਰਾ ਅਤੇ ਸ਼ਾਹ ਹੁਸੈਨ: ਪ੍ਰਵਚਨ ਵਿਸ਼ਲੇਸ਼ਣ

ੲ. ਇਸ਼ਕ ਦਾ ਪ੍ਰਵਚਨ: ਹੀਰ ਵਾਰਿਸ

• ਆਪ ਨੇ ਵੱਖ-ਵੱਖ ਸੈਮੀਨਾਰਾਂ ਤੇ ਕਾਨਫ਼ਰੰਸਾਂ ਵਿੱਚ ਖੋਜ ਪੱਤਰ ਵੀ ਪ੍ਰਸਤੁਤ ਕੀਤੇ ਹਨ।
• ਆਪ ਦੇ ਖੋਜ ਪੱਤਰ ਵੱਖ-ਵੱਖ ਖੋਜ ਰਸਾਲਿਆਂ/ਯੂ.ਜੀ.ਸੀ. ਅਪਰੂਵਡ ਮੈਗਜ਼ੀਨਾਂ ਅਤੇ ਪੁਸਤਕਾਂ ਵਿੱਚ ਪ੍ਰਕਾਸ਼ਿਤ ਹੋ ਚੁੱਕੇ ਹਨ।

8) ਡਾ. ਗੁਰਜੀਤ ਕੌਰ (ਅਸਿਸਟੈਂਟ ਪ੍ਰੋਫ਼ੈਸਰ)

• ਆਪ ਦੀਆਂ ਸੱਤ ਪੁਸਤਕਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਹਨ:

ੳ. ਅਜਮੇਰ ਸਿੰਘ ਔਲਖ ਦੀ ਨਾਟ-ਰਚਨਾ (ਆਲੋਚਨਾ)

ਅ. ਸਮਕਾਲੀ ਪੰਜਾਬੀ ਨਾਟਕ ਵਿਚ ਨਾਰੀ ਸਰੋਕਾਰ (ਆਲੋਚਨਾ)

ੲ. ਚਿੱਤ ਚੇਤਨਾ (ਕਾਵਿ-ਸੰਗ੍ਰਹਿ)

ਸ. ਅਮਰ ਕੋਮਲ ਰਚਿਤ ਓਪੇਰਾ-ਸੰਗ੍ਰਹਿ ਚੌਮੁਖੀਆ: ਮੂਲ ਪਾਠ ਅਤੇ ਪਾਠਮੂਲਕ ਅਧਿਐਨ

ਹ. ਮਾਰਕਸਵਾਦ ਅਤੇ ਸਾਹਿਤ ਆਲੋਚਨਾ (ਅਨੁਵਾਦ)

ਕ. ਸਤਵਿੰਦਰ ਬੇਗੋਵਾਲੀਆ ਦਾ ਨਾਟ-ਜਗਤ (ਸੰਪਾਦਨ)

ਖ. ਪ੍ਰਕਾਰਜੀ ਪੰਜਾਬੀ ਭਾਸ਼ਾ ਸਿਧਾਂਤਕ ਅਤੇ ਵਿਹਾਰਕ ਅਧਿਐਨ

• ਆਪ ਦੇ 22 ਖੋਜ ਪੱਤਰ ਵੱਖ-ਵੱਖ ਖੋਜ ਰਸਾਲਿਆਂ/ਯੂ.ਜੀ.ਸੀ. ਅਪਰੂਵਡ ਮੈਗਜ਼ੀਨਾਂ ਅਤੇ ਪੁਸਤਕਾਂ ਵਿੱਚ ਪ੍ਰਕਾਸ਼ਿਤ ਹੋ ਚੁੱਕੇ ਹਨ।
• ਆਪ ਨੇ ਵੱਖ-ਵੱਖ ਸੈਮੀਨਾਰਾਂ ਤੇ ਕਾਨਫ਼ਰੰਸਾਂ ਵਿੱਚ 20 ਖੋਜ ਪੱਤਰ ਪ੍ਰਸਤੁਤ ਕੀਤੇ ਹਨ।
• ਆਪ ਇਕ ਅਦਾਕਾਰ ਦੇ ਤੌਰ ਉੱਤੇ ਕਈ ਨਾਟਕਾਂ ਵਿੱਚ ਅਭਿਨੈ ਕਰ ਚੁੱਕੇ ਹਨ।
• ਆਪ ਨੂੰ ਨਾਟ ਖੇਤਰ ਨਾਲ ਸੰਬੰਧਿਤ ਕਈ ਸੰਸਥਾਵਾਂ ਦੁਆਰਾ ਸਨਮਾਨਿਤਕੀਤਾ ਜਾ ਚੁੱਕਾ ਹੈ।

 

                                                                                               ਮੁਖੀ, ਪੰਜਾਬੀ ਵਿਭਾਗ